ABB müştərilərə yığım imkanı və əlavə qazanc fürsəti yaradan daha bir yeni innovativ məhsulunu təqdim edib. Bu, Bankın “Dama-dama” adlı rəqəmsal yığım hesabıdır.

Müştərilər ABB mobile tətbiqi vasitəsilə belə bir hesab yaradıb orada müxtəlif məqsədlər üçün müntəzəm şəkildə kiçik vəsaitlər toplaya, faiz qazancı əldə edə bilərlər.

“Dama-dama” məhsulu, xüsusən, qarşısına yeni mobil telefon, yaxud başqa müxtəlif cihazlar, səyahət paketləri, ziynət əşyaları və s. almaq kimi minimal hədəflər qoymuş şəxslər üçün unikal imkandır. Onlar “Dama-dama” hesablarına hər gün, hər həftə və ya hər ay kiçik məbləğlər daxil edə bilərlər. Eləcə də onlayn və POS terminal ödənişləri zamanı məbləği 1 manata, 5 manata, 10 manata qədər yuvarlaqlaşdırıb əlavə məbləği rəqəmsal yığım hesablarında toplamaq mümkündür. Bu zaman hədəflərə daha tez çatmaq olacaq.

“Dama-dama” hesabında yığılan vəsaitlərə illik 6% gəlir hesablanır. Faiz qazancı hər ayın sonunda müştərinin hesabına əlavə olunur. Hesabdakı vəsaiti istənilən zaman istifadə etmək olar. Rəqəmsal hesab sahibi ABB mobile tətbiqi üzərindən hesabını rahatlıqla idarə edə bilir.

“Dama-dama” məhsulu gələcəyini planlaşdıran gənclər, o cümlədən gənc ailələr, kiçik məbləğlərlə yığım etmək istəyənlər, şəxsi maliyyə intizamını gücləndirməyə çalışanlar, pul yığmaq üçün rahat alət axtaranlar, bir sözlə hər kəs üçündür.

ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

Oxşar xəbərlər

ABB qalıq məbləğə faiz qazancı gətirən yeni məhsulunu təqdim edib

“SİMA İmza” ilə olduğun yerdən mikrokredit əldə et

“SİMA İmza” ilə kredit müqaviləni məsafədən imzala!

Yol polisi yağışla bağlı sərnişin daşıma ilə məşğul olanlara müraciət edib

SİMA “XalqOnline” mobil və internet bankçılıq sisteminə inteqrasiya olunub