Azərbaycan Mərkəzi Bankı (AMB) İdarə Heyətinin aprelin 23-də keçirilməsi planlaşdırılan növbəti iclasında uçot dərəcəsini 0,25 faiz bəndi artıraraq 7,5 %-ə çatdıracaq.

“Report” xəbər verir ki, bu barədə Niderlandın aparıcı maliyyə qurumlarından biri olan “ING Group”un proqnozunda deyilir.

Qrupun proqnozlarına əsasən, AMB uçot dərəcəsini 2026-cı ilin üçüncü rübünə qədər 7,5 % səviyyəsində saxlayacaq. ING-nin ekspertlərinin fikrincə, 2026-cı ilin üçüncü rübündə faiz dərəcəsi 7,75 %-ə, dördüncü rübdə isə 8 %-ə yüksələcək.

Qeyd edək ki, daha əvvəl qrup Azərbaycanda pul-kredit siyasətinin gələn ilin üçüncü rübündən başlayaraq 7,5 %-ə, dördüncü rübdə isə 7,75 %-ə qədər sərtləşdiriləcəyini proqnozlaşdırırdı.

Xatırladaq ki, 2025-ci il martın 12-də AMB uçot dərəcəsini dəyişdirmədən 7,25 % səviyyəsində saxlayıb.

Oxşar xəbərlər

ING: Azərbaycanda pul-kredit siyasətinin sərtləşdirilməsi sürətlənəcək

ING Azərbaycanda 2024-2025-ci illər üçün uçot dərəcəsi ilə bağlı proqnozunu dəyişib

ING Azərbaycanda 2025-2026-ci illər üçün uçot dərəcəsi ilə bağlı gözləntilərini açıqlayıb

ECB uçot dərəcəsini 4,5 % səviyyəsində saxlayıb

“Fitch" AMB-nin uçot dərəcəsini azaltmayacağını proqnozlaşdırır