Beynəlxalq Valyuta Fondu (IMF) 2025-ci ildə Azərbaycanın cari əməliyyatlar balansının (CƏB) ÜDM-in 7,8%-i həcmində profisitli olacağını proqnozlaşdırıb.

"Sizinxeber.az-Economics" bu barədə Fonda istinadən xəbər verir. Başqa sözlə, digər proqnozlar nəzərə alınmaqla IMF 2025-ci il üzrə ölkədə CƏB-in profisiti ilə bağlı gözləntilərini 6,1 mlrd. dollar həcmində müəyyən edib.

Bununla belə, IMF növbəti illərdə CƏB-in profisitinin azalacağını, 2028-2029-cu illərdə isə cari əməliyyatlar balansında kəsir yaranacağını proqnozlaşdırıb.

Fond hesab edir ki, 2026-cı ildə Azərbaycanda CƏB-in profisiti 4,9%-ə, 2027-ci ildə isə 1,3%-ə enəcək. IMF 2028-ci ildə CƏB-in kəsirinin 1,7%, 2029-cu ildə isə 2,5%-ə kimi artacağını proqnozlaşdırıb.

Qeyd edək ki, 2024-cü il üzrə Azərbaycanın cari əməliyyatlar balansının profisiti 4,7 mlrd. dollar təşkil edib. Azərbaycan Mərkəzi Bankı 2025-ci il üzrə isə CƏB-in profisitini 5,5 mlrd. dollar həcmində proqnozlaşdırıb.

Oxşar xəbərlər

Dünya Bankı: Bu il Azərbaycanın cari əməliyyatlar hesabının profisiti 12%-ə yaxın olacaq

The Economist: Bu il Azərbaycanda cari əməliyyatlar balansının profisiti 10 mlrd. dolları ötəcək

AMB: Bu il cari əməliyyatlar balansının profisiti 5,3 milyard dollar olacaq

Cari əməliyyatlar balansının neft-qaz üzrə profisiti açıqlanıb

IMF 2030-cu ilə qədər Azərbaycanda cari əməliyyatlar hesabının profisiti ilə bağlı proqnozlara yenidən baxıb