Dünya Bankı (DB) Azərbaycanla bağlı bir sıra makroiqtisadi proqnozlarını açıqlayıb.

"Sizinxeber.az-Economics" xəbər verir ki, Bank Azərbaycanda tədiyyə balansının cari əməliyyatlar hesabının (CƏH) profisitinin növbəti 5 ildə azalacağını proqnozlaşdırıb.

2025-ci il üzrə CƏH-in profisiti ÜDM-in 11,6%-i həcmində, 2026-cı ildə 5,4%, 2027-ci ildə isə 3,8% proqnozlaşdırılıb. Dünya Bankı hesab edir ki, CƏH-in profisiti 2028-ci ildə 3,6%-ə, 2029-cü ildə isə 3,4%-ə qədər enəcək.

Bankın analitikləri 2025- 2026-cı illərdə Azərbaycanda 2,4%, 2027-ci ildə 2,3%, 2028-2029-cü illərdə isə 2,2% iqtisadi artım proqnozlaşdırıb. Bankın inflyasiya proqnozu isə 2025-2026-cı illər üzrə 2,3%, 2027-ci ildə 2,2%, 2028-2029-cü illərdə isə 2% təşkil edib.

Dünya Bankı, həmçinin qarşıdakı beş ildə ölkəyə xalis birbaşa xarici investisiyaların (BXİ) azalacağını proqnozlaşdırıb. Bank bu investisiyaların 2025 və 2026-cı ildə ÜDM-in 0,9%-i həcmində, 2027-ci ildə 0,8%, 2028-ci ildə 0,7%, 2029-cü ildə isə 0,6% azalacağını müəyyən edib.

Oxşar xəbərlər

“S&P”: Manatın dollara qarşı məzənnəsi 2028-ci ilə qədər dəyişməyəcək

IMF 2030-cu ilə qədər Azərbaycanda cari əməliyyatlar hesabının profisiti ilə bağlı proqnozlara yenidən baxıb

The Economist: Bu il Azərbaycanda cari əməliyyatlar balansının profisiti 10 mlrd. dolları ötəcək

IMF 2024-2025-ci illər üçün Azərbaycanda iqtisadi artım proqnozunu yaxşılaşdırıb

Dünya Bankı Azərbaycanın iqtisadi artım proqnozunu yeniləyib