Azərbaycan və Qazaxıstan arasında maliyyə sektorunda əməkdaşlıq əlaqələrinin genişləndirilməsi imkanları müzakirə edilib.

"Report" bu barədə Azərbaycan Mərkəzi Bankına (AMB) istinadən xəbər verir.

Məlumata görə, Qazaxıstanın Maliyyə Bazarının Tənzimlənməsi və İnkişafı Agentliyinin sədri Mədinə Abılkasımovanın rəhbərlik etdiyi nümayəndə heyətinin Azərbaycana səfəri baş tutub. Səfər zamanı AMB-nin sədri Taleh Kazımov Qazaxıstan nümayəndə heyəti ilə görüşüb.

Görüşdə AMB-nin həyata keçirdiyi “2024-2026-cı illərdə maliyyə sektorunun inkişafı Strategiyası” və onun çərçivəsində icra olunan strateji təşəbbüslər barədə geniş məlumatı Qazaxıstan nümayəndə heyətinin diqqətinə çatdırıb.

Görüş zamanı Qazaxıstan agentliyinin sədri maliyyə sabitliyinin təmin olunması, bank və sığorta nəzarəti sahəsində tətbiq olunan yanaşmalar, həmçinin maliyyə bazarlarının tənzimlənməsi sahəsində ölkəsinin təcrübəsi haqqında ətraflı məlumat verilib. Həmçinin Qazaxıstanda rəqəmsallaşma istiqamətində həyata keçirilən layihələr və bu istiqamətdə görülən işlərə dair təqdimat keçirilib.

Görüş qurumlar arasında əməkdaşlıq əlaqələrinin genişləndirilməsi imkanları və ikitərəfli maraq doğuran digər məsələlərin müzakirəsi ilə davam edib.

Oxşar xəbərlər

Azərbaycan və Çin bank sektorunda institusional əməkdaşlığı dərinləşdirə bilər

Azərbaycan və Gürcüstanın milli bankları əməkdaşlığın yeni mərhələsinə keçib

Azərbaycan və Qazaxıstan fond bazarının inkişaf perspektivini müzakirə edib

Azərbaycan fintexləri ilə birgə həyata keçiriləcək təşəbbüslər müzakirə edilib

AMB-də COP29 zamanı planlaşdırılan fəaliyyət müzakirə olunub