Milli Depozit Mərkəzi (MDM) depo hesablarının açılması üzrə yeni arxitektura formalaşdırıb.

"Report" xəbər verir ki, bunu MDM-nin İdarə Heyətinin sədri Ağahüseyn Xudaverdiyev Mərkəzin “E-Vote" sisteminin tətbiqi ilə bağlı keçirilən brifinqdə deyib.

O bildirib ki, artıq investisiya şirkətlərinin müştəriləri API vasitəsilə məsafədən depo hesablarını aça və balanslarında olan qiymətli kağızlarla bağlı məlumatları əldə edə bilərlər.

“Bu yeni infrastruktur qabaqcıl ölkələrin təcrübəsinə uyğun olaraq hazırlanıb və Azərbaycanın kapital bazarının inkişafına mühüm töhfə verəcək. Mərkəzi Bankın dəstəyi ilə Azərbaycan Beynəlxalq Bankının səhmlərinin ilkin yerləşdirilməsi zamanı tətbiq edilən rəqəmsal həllər uğurla sınaqdan keçirildi. Nəticədə investorlar mobil tətbiq vasitəsilə açılmış depo hesablarından sifarişlərini rahat şəkildə yerləşdirə bildilər. Təkrar bazar əməliyyatlarının nəticələrinin qiymətli kağızlar balanslarında əks etdirilməsi imkanı da təmin edilib”, - deyə A. Xudaverdiyev vurğulayıb.

Oxşar xəbərlər

MDM və investisiya şirkətləri çirkli pulların yuyulmasına qarşı birgə fəaliyyət göstərəcək

ABA: Məsafədən bank hesablarının açılması proseduruna yenidən baxılmalıdır

ABB-dən kapital bazarlarını canlandıracaq daha bir addım!

ABA: Məsafədən bank hesablarının açılması təkmilləşdirilməlidir