Azərbaycan Mərkəzi Bankı (AMB) bu il ölkədə iqtisadi artım tempini təxminən 3,5 % səviyyəsində proqnozlaşdırır.

"Report" xəbər verir ki, bunu AMB-nin sədri Taleh Kazımov keçirdiyi mətbuat konfransında bildirib.

Onun sözlərinə görə, 2025-ci ildə ÜDM-in artımı 3-4 % səviyyəsində nəzərdə tutulub.

Qeyd edək ki, ötən il Azərbaycanda 123 milyard manatlıq və ya əvvəlki illə müqayisədə 1,1 % çox ümumi daxili məhsul (ÜDM) istehsal olunub.

Azərbaycan hökumətinin proqnozlarına görə, 2024-cü ildə ÜDM-in artımı 2,4 %, 2025-ci ildə 2,9 % səviyyəsində gözlənilir.

Birləşmiş Millətlər Təşkilatının (BMT) proqnozlarına görə, bu il Azərbaycanda ÜDM-in artımı 2,6 %, 2025-ci ildə 2,8 % təşkil edəcək.

Dünya Bankının qiymətləndirmələrinə görə Azərbaycanda ÜDM istehsalının bu il 2,4 %, 2025-ci ildə isə 2,5 % artacağı gözlənilir.

Beynəlxalq Valyuta Fondu (IMF) bu il Azərbaycanda ÜDM-in artım proqnozunu 2,5 % olacağını proqnozlaşdırır. IMF 2024-2028-ci illərdə Azərbaycanda ÜDM-in artımını illik 2,3 % səviyyəsində proqnozlaşdırır.

Avropa Yenidənqurma və İnkişaf Bankının (EBRD) proqnozuna görə, 2024-cü ildə Azərbaycanda ÜDM artımı 2,5 % olacaq.

Niderlandın "ING Group" şirkəti 2024-cü il üçün Azərbaycanın iqtisadi artım proqnozunu 2,5 %, 2025-ci ildə isə 2,7 % səviyyəsində müəyyən edib.

Oxşar xəbərlər

Taleh Kazımov: "COP29 ərəfəsində dayanıqlı maliyyə sahəsində bazara bir çox yeniliklər gələ bilər" [xfgiven_updateblue][/xfgiven_updateblue]

Vuçiç Serbiyanın 2027-ci ilə qədər ÜDM-nin artım tempini qiymətləndirib [xfgiven_updateblue][/xfgiven_updateblue]

Vanqanın 2024-cü il proqnozları: Kvant kompüter, iqtisadi böhran, qlobal istiləşmə, xaos, əjdaha, yadplanetli... [xfgiven_updateblue][/xfgiven_updateblue]

Bakıda daşınmaz əmlak bu qədər bahalaşacaq – Qiymətlər [xfgiven_updateblue][/xfgiven_updateblue]

Pensiyaçılara şad xəbər var: bu tarixdə artım olacaq [xfgiven_updateblue][/xfgiven_updateblue]