Avropa Yenidənqurma və İnkişaf Bankı (AYİB-EBRD) Azərbaycana 370 milyon avro həcmində kredit ayıra bilər.

Bu barədə "APA-Economics"ə EBRD-dən bildirilib. Məlumata görə, Azərbaycan Dövlət Su Ehtiyatları Agentliyi (ADSEA) tərəfindən edilən müraciət Gəncə şəhərində su təchizatı, kanalizasiya və yağış sularının idarə edilməsi şəbəkəsinin yenidən qurulması və Çirkab Sutəmizləyici Qurğuların tikintisi layihəsi ilə bağlıdır.

Layihə EBRD-nin "Yaşıl Şəhərlər" layihəsi çərçivəsində həyata keçiriləcək və Gəncə yaşıl şəhər Fəaliyyət Planında (GCAP) müəyyən edilmiş “suyun mövcudluğu və keyfiyyəti” kimi prioritet ekoloji problemi həll etmək məqsədi daşıyır. Qeyd edilib ki, hökumət Gəncədə çatışmayan su və tullantı su infrastrukturunun yaxşılaşdırılmasının kəskin ehtiyacını nəzərə alaraq Layihəni prioritetləşdirir.

Layihə başa çatdıqdan sonra bütün Gəncə şəhərinin fasiləsiz su təchizatı və tullantı sularının kanalizasiya xidmətləri ilə əhatə olunacağı, yağış sularının idarə olunması sisteminin tətbiqi ilə daşqın risklərinin azaldılması gözlənilir. Layihə həm də tullantı sularının Gəncə çayına axıdılmadan əvvəl təmizlənməsini təmin etməklə region üçün ətraf mühitin qorunması məqsədi daşıyır.

Layihənin ümumi dəyərinin 365 milyon avroluq hissəsinin EBRD tərəfindən bir neçə tranşla və beynəlxalq donorlar tərəfindən təqdim olunacaq investisiya qrantları ilə birgə maliyyələşdirməsi gözlənilir.

Oxşar xəbərlər

Gəncə Dövlət Filarmoniyası "Musiqinin gücü" layihəsini təqdim edəcək - VİDEO [xfgiven_updateblue][/xfgiven_updateblue]

Neft Fondunun AÇG-dən əldə etdiyi gəlirləri 10%-dək azalıb [xfgiven_updateblue][/xfgiven_updateblue]

AZTAF proqramı çərçivəsində Azərbaycana 5 mln. avrodan çox vəsait ayrılıb [xfgiven_updateblue][/xfgiven_updateblue]

Gəncə Dövlət Filarmoniyasında "Urbanda görüşərik" adlı layihə olacaq [xfgiven_updateblue][/xfgiven_updateblue]

“Naxçıvanbank”ın lisenziyası ləğv edilib, bank BOKT-a çevrilib [xfgiven_updateblue][/xfgiven_updateblue]