Azərbaycan Mərkəzi Bankı (AMB) "City Finance", “Kəpəz” və “İnkişaf üçün Maliyyə” MMC-lər bank olmayan kredit təşkilatlarının (BOKT) vəzifəli şəxslərini cərimə edib.

"Report" bu barədə AMB-yə istinadən xəbər verir.

Məlumata görə, qurumun apardığı cari nəzarət prosesləri çərçivəsində “Bank olmayan kredit təşkilatları haqqında” qanunun 22.1-ci maddəsinin, “Kredit təşkilatlarının borcalanları haqqında məlumatın Mərkəzləşdirilmiş Kredit Reyestrinə verilməsi Qaydası”nın 3.3-cü bəndinin tələblərinin pozulması səbəbilə İnzibati Xətalar Məcəlləsinin 440.1-ci maddəsinə müvafiq olaraq "City Finance"in vəzifəli şəxsi 1 500 manat, "Kəpəz"in vəzifəli şəxsi isə 6 000 manat cərimələnib.

Bundan başqa, AMB-nin apardığı kompleks yoxlama çərçivəsində cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin pozulması ilə bağlı İnzibati Xətalar Məcəlləsinin 598.1.2-ci maddələrinə müvafiq olaraq AMB-nin təqdimatı əsasında Nəsimi Rayon Məhkəməsinin qərarı ilə "İnkişaf üçün maliyyə" 20 min manat, onun vəzifəli şəxsi isə 2 min manat cərimələnib.

Oxşar xəbərlər

Azərbaycanda 3 BOKT-un vəzifəli şəxsləri cərimələnib [xfgiven_updateblue][/xfgiven_updateblue]

"E-Kredit" BOKT dövlət qeydiyyatına alınıb [xfgiven_updateblue][/xfgiven_updateblue]

Azərbaycan BOKT-larının xalis mənfəəti 3 dəfə artıb [xfgiven_updateblue][/xfgiven_updateblue]

"Naxçıvan Bank"ın lisenziyası ləğv edilib, "E-Kredit" BOKT-a lisenziya verilib [xfgiven_updateblue][/xfgiven_updateblue]

“Naxçıvanbank”ın lisenziyası ləğv edilib, bank BOKT-a çevrilib [xfgiven_updateblue][/xfgiven_updateblue]