Aparılmış hesablamalara əsasən, Azərbaycan Respublikasının Dövlət Neft Fondundan (ARDNF) dövlət büdcəsinə nəzərdə tutulan transfertin tam məbləğdə köçürülməsi şərtilə cari ilin altı aylıq faktiki daxilolmaları nəzərə alınmaqla, xam neftin bir barelinin qiymətinin hər 10 ABŞ dolları dəyişməsi dövlət büdcəsinin neft-qaz gəlirlərinin orta hesabla təqribən 100 milyon manat artması və ya azalmasına səbəb olur.

Bu barədə "Sizinxeber.az-Economics" Maliyyə Nazirliyinə istinadən xəbər verir. Məlumata görə, xam neftin qiymətinin hər 10 ABŞ dolları dəyişməsi 1 yanvar 2025-ci il tarixinə Dövlət Neft Fondunun aktivlərinin təqribən 0,4 milyard ABŞ dolları artması və ya azalmasına səbəb olması proqnozlaşdırılır.

Qeyd edilib ki, ARDNF-dən dövlət büdcəsinə nəzərdə tutulan transfertin tam şəkildə köçürülməsi və cari ilin altı aylıq faktiki daxilolmaları nəzərə alınmaqla, 2024-cü ildə xam neftin bir barelinin qiymətinin 65 ABŞ dolları ssenarisində icmal büdcədə 2,9 milyard manat kəsir, 85 ABŞ dolları ssenarisində isə 1,3 milyard manat kəsir olacağı gözlənilir.

2024-cü ilin yenidən baxılan büdcəsində icmal büdcənin gəlirləri 43,5 milyard manat, o cümlədən icmal büdcənin neft-qaz gəlirləri 19,1 milyard manat proqnozlaşdırılır. Birdirilib ki, cari ilin altı aylıq faktiki daxilolmaları nəzərə alınmaqla, xam neftin qiymətinin hər 10 ABŞ dolları dəyişməsi icmal büdcənin gəlirləri təqribən 0,8 milyard manat artması və ya azalmasına səbəb olur.

Oxşar xəbərlər

Neft qiymətlərinin Azərbaycanın icmal büdcəsinin gəlirlərinə təsiri açıqlanıb - 4 SSENARİ

Neft qiymətlərinin ARDNF-nin aktivlərinə təsiri açıqlanıb

Azərbaycan hökuməti builki iqtisadi artımla bağlı proqnozlarını artırıb

Bu ilin sonuna Azərbaycanın dövlət borcu proqnozu açıqlanıb

Gömrük Komitəsi dövlət büdcəsinə köçürmələrinin həcmini açıqlayıb