Qlobal iqtisadiyyat ticarət gərginliyi və davamlı yüksək qeyri-müəyyənlik səbəbindən çətin mənzərə nümayiş etdirir.

“Report”un məlumatına görə, bu barədə Beynəlxalq Valyuta Fondunun (IMF) Kommunikasiyalar departamentinin direktoru Culi Kozak bildirib.

“Qlobal iqtisadiyyata nəzər saldıqda görürük ki, göstəricilər ticarət gərginliyinin yaratdığı çətin vəziyyəti əks etdirir... Biz çox yüksək qeyri-müəyyənlik dövrünün şahidi olduq”, - o, brifinq zamanı deyib.

Kozakın sözlərinə görə, ticarət münaqişələri polad, alüminium və misə olan tariflərin artması ilə müşayiət olunur ki, bu da bütün beynəlxalq ticarətə təsir göstərir.

O, həmçinin bildirib ki, IMF gələn həftə ABŞ tariflərinin qlobal iqtisadiyyata təsirinin hərtərəfli qiymətləndirilməsini başa çatdıracaq. Kozak xatırladıb ki, aprel ayında ABŞ tariflərinin effektiv dərəcəsi 25 %-dən 14 %-ə düşüb, lakin o vaxtdan bəri hər iki istiqamətdə dəyişib və yeni yekun qiymətləndirmə gələn həftə məlum olacaq.

Oxşar xəbərlər

ÜTT: ABŞ-Çin ticarəti 80 % azalacaq

Bloomberg: IMF Trampın gömrük rüsumları səbəbindən dünya iqtisadiyyatının artım proqnozunu pisləşdirəcək

2025-2026-cı illərdə qlobal iqtisadi artım templəri 2,7%-ə çata bilər

"Fitch": ABŞ-nin gömrük tariflərinin artırılması Azərbaycan banklarına minimal təsir göstərəcək

IMF rəhbəri: "ABŞ-nin İrana zərbələri enerji sektorundan kənara çıxan risklərə gətirib çıxara bilər"