Azərbaycan Mərkəzi Bankı (AMB) əmək haqqının istənilən bankdan alınması ilə bağlı iş aparır və bu, ilin sonuna qədər mümkün ola bilər.

"Sizinxeber.az"un əldə etdiyi məlumata görə, bu barədə AMB-nin sədri Taleh Kazımovun iqtisadçı-ekspertlərlə görüşündə bildirilib.

3 saatdan artıq davam etmiş görüşdə 13 nəfər iştirak edib, pul siyasəti, tədiyə balansı, rəqəmsal texnologiyalar, maliyyə sektorunda müşahidə olunan cari tendensiyalar və gələcək planlar ətrafında əhatəli və məzmunlu müzakirələr aparılıb, qurumun hazırladığı yeni maliyyə aləti (hedcinq) və onun iqtisadiyyata mümkün töhfələri barədə iştirakçılara ətraflı məlumat təqdim olunub.

"İnanıram ki, ekspertlərlə mütəmadi fikir mübadiləsi və konstruktiv dialoq ictimai rəyin düzgün formalaşmasına, eləcə də AMB-nin qərarlarının bütün maraqlı tərəflərə dolğun, şəffaf şəkildə çatdırılmasına mühüm töhfə verir. Görüşdə iştirak edən və dəyərli fikirlərini bölüşən bütün ekspertlərə səmimi təşəkkürümü bildirirəm", - deyə T.Kazımov görüşün yekunlarını şərh edib.

Oxşar xəbərlər

Azərbaycanın bank sektoru 2030-cu ilin sonuna qədər maliyyə öhdəliklərini elan edəcək

Azərbaycan və Çin bank sektorunda institusional əməkdaşlığı dərinləşdirə bilər

Vətəndaşlar maaşlarını özləri seçdikləri istənilən bankdan ala biləcəklər - YENİLİK

Avrasiya İnkişaf Bankı Azərbaycanda bəzi layihələri maliyyələşdirə bilər

Azərbaycan və Dünya Bankı gələcək əməkdaşlıq barədə fikir mübadiləsi aparıb