"Unibank"ın İdarə Heyətinin sədri vəzifəsindən ayrılıb

“Unibank” ASC-nin İdarə Heyətinin sədri Fərid Abuşov vəzifəsində ayrılıb.

Bu barədə "APA-Economics"ə bankdan bildirilib.

Məlumata görə, Fərid Abuşov öz istəyi ilə bankdan ayrılıb.

Qeyd edilib ki, Bankın səhmdarlarının İllik Ümumi Yığıncağının qərarına əsasən, Bankın İdarə Heyəti yenidən formalaşdırılıb. Qəbul edilmiş qərar Bankın korporativ idarəetmə strukturunun təkmilləşdirilməsi və gələcək inkişaf hədəflərinə uyğunlaşdırılması məqsədini daşıyır.

Təsdiqlənmiş tərkibə əsasən, İdarə Heyəti sədrinin müavini Heybət Qədirov müvəqqəti olaraq İdarə Heyətinin sədri vəzifəsini icra edəcək. Heybət Qədirov 2008-ci ildən Unibank komandasının üzvüdür. Bu təyinatadək müxtəlif vəzifələrdə çalışıb.

Yeni tərkibə əsasən, İdarə Heyətinin digər üzvləri isə Baş Maliyyə İnzibatçısı Faiq Zeynalov və Baş Risk İnzibatçısı Andrey Qrabdır.