“Azərişıq” Açıq Səhmdar Cəmiyyətinin fəaliyyət istiqamətləri genişləndirilib.

APA-nın xəbərinə görə, bu, Nazirlər Kabinetinin “Azərişıq” Açıq Səhmdar Cəmiyyətinin Nizamnaməsinin və strukturunun təsdiq edilməsi barədə” qərarda etdiyi dəyişiklikdə əksini tapıb.

“Azərişıq” ASC Naxçıvan Muxtar Respublikasında da elektrik enerjisini satın almaqla istehlakçıların etibarlı, təhlükəsiz və səmərəli şəkildə elektrik enerjisi ilə təchizatını həyata keçirəcək, bu sahədə yeni texnologiyaların tətbiqini, maddi-texniki bazanın müasirləşdirilməsini və ondan səmərəli istifadəni, habelə bu sahənin inkişafı ilə bağlı digər işləri yerinə yetirəcək.

Qüvvədə olan qərara əsasən, Azərişıq” ASC-nin əsas məqsədləri Azərbaycan Respublikasının ərazisində (Naxçıvan Muxtar Respublikası istisna olmaqla) elektrik enerjisini satın almaqla istehlakçıları etibarlı, təhlükəsiz və səmərəli şəkildə elektrik enerjisi ilə təchizatını həyata keçirməkdən, bu sahədə yeni texnologiyaların tətbiqini, maddi-texniki bazanın müasirləşdirilməsini və ondan səmərəli istifadəni, habelə bu sahənin inkişafı ilə bağlı digər işləri yerinə yetirməkdən ibarət olub.

Oxşar xəbərlər

Naxçıvan MR Dövlət Energetika Agentliyi ləğv olunub, funksiyaları "Azərenerji" və "Azərişıq"a ötürüləcək - FƏRMAN

Naxçıvan Muxtar Respublikasında yeni istilik elektrik stansiyası tikiləcək

“Azərişıq” Gədəbəydə elektrik şəbəkəsini yeniləyir - VİDEO

Prezident İlham Əliyev Kəlbəcərdə “İstisu” yarımstansiyasının açılışında iştirak edib - YENİLƏNİB

“Azərişıq” sədri Dubay Elektrik və Su İdarəsinin rəhbəri ilə görüşüb