Yeni illə bağlı istirahət günlərində Bakı Beynəlxalq Avtovağzal Kompleksindən (BBAK) 1 775 reys həyata keçirilib, 50 600-dən çox sərnişin rahat, təhlükəsiz şəkildə mənzil başına çatdırılıb.

"Sizinxeber.az" bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə (AYNA) istinadən xəbər verir.

"Əgər adi günlərdə BBAK-dan reysə 200-ə yaxın avtobus çıxırsa, qeyd edilən tarixlərdə xətlərə əlavə 100-dən çox avtobus buraxılıb.

Respublika ərazisində fəaliyyət göstərən bütün avtovağzal və avtostansiyalar bayram günlərində əhalinin nəqliyyat xidmətləri ilə keyfiyyətli və davamlı şəkildə təmin edilməsi üçün 30 dekabr – 5 yanvar tarixlərində gücləndirilmiş iş rejimində çalışıb.

Marşrutlar üzrə xətlərə buraxılan avtobusların intervalına, sürücülərin sərnişindaşımada təhlükəsizlik qaydalarına əməl etmələrinə xüsusi nəzarət olunub. Biletlər avtovağzalın kassalarından, eləcə də https://biletim.az/ portalı vasitəsilə onlayn qaydada sərnişinlərə təqdim edilib. Qeyd edilən tarixlərdə 15 239 onlayn bilet alınıb. Bu da ümumi bilet satışın 30 %-ni təşkil edir. Bakıdan bölgələrə və əks istiqamətdə daşınan sərnişinlərin tələbatı tam qarşılanıb", - deyə məlumatda qeyd olunub.

Oxşar xəbərlər

AYNA: İstirahət günlərində 52 minə yaxın sərnişin mənzil başına çatdırılıb

Sabahdan avtovağzallar gücləndirilmiş iş rejimində fəaliyyət göstərəcəklər

AYNA: Bayramda avtovağzallar gücləndirilmiş iş rejimində fəaliyyət göstərəcək

Azərbaycanda avtovağzallar gücləndirilmiş iş rejimində fəaliyyət göstərəcək

Bakı Beynəlxalq Avtovağzal Kompleksi gücləndirilmiş iş rejiminə keçəcək