Liviyanın Milli Neft Korporasiyası neft hasilatını və ixracını tam bərpa edəcək.

"Report"un "Financial Times"a istinadən xəbər verir ki, bu barədə korporasiyanın məlumatında deyilir.

Məlumata görə, Liviyanın qərb və şərq hissələrinin hakimiyyət orqanları arasında fikir ayrılığı səbəbindən əvvəllər elan edilmiş fors-major ləğv edilir.

Qərar neft yataqları və terminallarda aparılan rəsmi təhlükəsizlik auditinin nəticələrinə əsasən qəbul edilib.

Nəşrin məlumatına görə, bu, gündə təxminən 700 min barel neftin dünya bazarına qayıtmasına imkan verəcək.

Xatırladaq ki, Liviya sutkada təxminən 1,2 milyon barel hasil edirdi, lakin avqust ayında ölkənin şərq hissəsindəki hakimiyyət orqanları milli Mərkəzi Banka nəzarət uğrunda mübarizə çərçivəsində hasilatı və ixracı dayandırıb. Nəticədə hasilat sutkada 450 min bareldən aşağı düşüb.

Oxşar xəbərlər

Liviya hökuməti bütün neft yataqlarında fors-major vəziyyət elan edib

EIA 2024-cü il üçün Azərbaycanda neft hasilatı proqnozunu aşağı salıb

OPEC+ ölkələri növbəti 25 ildə neft tədarükünü sutkada 62,9 milyon barelə çatdıracaq

IEA 2024-2025-ci illərdə qlobal neft hasilatı ilə bağlı proqnozunu saxlayıb

Azərbaycanda gündəlik neft hasilatı 569 min barel təşkil edib