Bu ilin yanvar-iyul aylarında “Tengiz” yatağından 16 milyon tona yaxın neft nəql edilib.

“Sizinxeber.az” bu barədə Xəzər Boru Kəməri Konsorsiumunun (CPC) məlumatına istinadən xəbər verir.

“Bu gün Atırauda CPC-nin baş direktoru Nikolay Qorban və “Tengizchevroil” şirkətinin marketinq və nəqliyyat üzrə baş meneceri Lori Sasko arasında işgüzar görüş keçirilib. Tərəflər “Tengiz” yatağından neftin Tengiz-Novorossiysk kəməri ilə nəqlinə dair cari və gələcək müraciətlərin bu il yataqda aparılan təmir işləri nəzərə alınmaqla icrasını müzakirə ediblər”, - məlumatda bildirilib.

Xatırladaq ki, bu il CPC təxminən 65,2 milyon ton Qazaxıstan nefti nəql etməyi planlaşdırır.

2023-cü ildə CPC 63,47 milyon ton neftin (artım 8,1 %) nəqlini və ixracını təmin edib.

Uzunluğu 1,5 min km olan CPC Qərbi Qazaxıstan yataqlarını Rusiyanın Qara dəniz sahilləri ilə birləşdirir, burada neft CPC dəniz terminalı vasitəsilə tankerlərə yüklənir. Konsorsiumun ən böyük səhmdarları arasında Rusiya (“Transneft”), Qazaxıstan (“Kazmunayqaz”), “Chevron”, “Lukoil”, “ExxonMobil”, “Rosneft” və “Shell” şirkətləri var.

Oxşar xəbərlər

Səfir: "Qazaxıstan neftinin Bakı-Supsa ilə ötürülməsi tranzit şərtlərindən asılıdır"

BTC ilə indiyədək 576 mln. ton neft nəql edilib

BTC ilə I yarımildə 700 min tondan çox Qazaxıstan nefti daşınıb

Nazir: Bakı-Supsa neft kəməri ilə Qazaxıstan neftinin nəqlinə bu il başlanacaq

Nazirlik: Bakı-Supsa neft kəməri ilə nəqletmə məsələsi müzakirə olunur