Azərbaycan regional nəqliyyat və yükdaşıma mərkəzi kimi böyük potensiala malikdir.

ABŞ-nin Bakıdakı səfirliyindən "Sizinxeber.az"a verilən məlumata görə, bu barədə ABŞ-nin Azərbaycandakı səfirliyinin müvəqqəti işlər vəkili Emi Karlon Azərbaycanda Amerika Ticarət Palatasının (AmCham) naharında bildirib.

Əsas çıxışında Karlon regional bağlantıların genişləndirilməsi, o cümlədən enerji, ticarət və tranzit sahələrində əməkdaşlığın gücləndirilməsi istiqamətində görülən işləri vurğulayıb. Bundan əlavə, tərəflər investisiya sahəsində qarşılıqlı fəaliyyəti, o cümlədən süni intellekt və rəqəmsal infrastruktur kimi istiqamətlərdə inkişaf etdirir, eləcə də təhlükəsizlik sahəsində əməkdaşlığı möhkəmləndirir.

Diplomatik missiyadan qeyd edilib ki, tədbirdə həmçinin ABŞ Dövlət Departamentinin baş məsləhətçisi Rebeka Neff və ABŞ Ticarət və İnkişaf Agentliyinin (USTDA) Avropa və Avrasiya üzrə regional meneceri Sara Leminq iştirak ediblər.

Oxşar xəbərlər

Türkmənistanlı nazir: ECO enerji üzrə əməkdaşlığın gücləndirilməsi istiqamətində böyük potensiala malikdir

ABŞ şirkətlərinin Azərbaycandakı layihələrdə iştirakı müzakirə olunub

Azərbaycan ABŞ ilə enerji dəhlizlərini müzakirə edib

Rusiya Ticarət və Sənaye Palatası: "Azərbaycanın beynəlxalq nəqliyyat qovşağına çevrilmək üçün böyük potensialı var"