ABŞ-nin Nyu-York şəhərində keçirilən Birləşmiş Millətlər Təşkilatının (BMT) Yüksək Səviyyəli Siyasi Forumunda Azərbaycanda dayanıqlı inkişaf məqsədləri (DİM) üzrə əldə edilən nəticələr haqqında məlumat verilib.

"Sizinxeber.az" bu barədə İqtisadiyyat Nazirliyinə istinadən xəbər verir.

“BMT-nin 2030-cu ilədək İnkişaf Gündəliyi və dayanıqlı inkişaf məqsədləri üzrə bərpa, sürətlənmə və bərabərlik üçün sübutlara əsaslanan həllərin inkişafı” adlı Forumda ölkəmizi Dayanıqlı İnkişaf üzrə Milli Əlaqələndirmə Şurasının katibi, İqtisadiyyat Nazirliyinin Dayanıqlı inkişaf və sosial siyasət şöbəsinin müdiri Hüseyn Hüseynov təmsil edib.

Tədbir çərçivəsində “DİM 3: Sağlam həyat və rifah”, “DİM 5: Gender bərabərliyi və qadınların səlahiyyətləndirilməsi, “DİM 8: Layiqli məşğulluq və davamlı iqtisadi artım”, “BMT-nin 2030-cu ilədək İnkişaf Gündəliyinin icrasına maraqlı tərəflərin cəlb edilməsi” mövzularında keçirilmiş sessiyalarda Azərbaycanda bu sahələrdə həyata keçirilən islahatlar və əldə olunan nəticələr barədə təqdimatlar edilib. Qlobal çağırışlar fonunda ölkəmizin davamlı iqtisadi inkişafı, makroiqtisadi sabitliyi, əhalinin rifah səviyyəsinin yüksəldilməsi, qeyri-neft-qaz sektorunun gücləndirilməsi, rəqəmsal iqtisadiyyatın inkişafı və digər istiqamətlərdə reallaşdırılan tədbirlər beynəlxalq ictimaiyyətin diqqətinə çatdırılıb.

BMT-nin Yüksək Səviyyəli Siyasi Forumu müxtəlif tematik mövzular üzrə sessiyalarla işini davam etdirir.

Oxşar xəbərlər

Hüseyn Hüseynov: "Azərbaycanda 2026-cı ilə qədər ÜDM-in artımını orta hesabla 3-4 % arasında saxlanılması hədəflənib"

Hüseyn Hüseynov BMT-də Azərbaycanın gender bərabərliyinə dair nailiyyətlərini təqdim edib

Azərbaycan UNECE Regionu üzrə Dayanıqlı İnkişaf Forumunda iştirak edib

Vladanka Andreyeva: "COP29 2030-cu ilə qədər dayanıqlı inkişaf gündəliyi üçün əsas platforma olacaq"

BAMF-in rəhbəri MƏŞ-in katibi ilə mina probleminin 18-ci DİM kimi qəbul olunması təşəbbüsünü müzakirə edib