Şahin Bağırov Qəbələdə vətəndaşları qəbul edib

Bu gün Dövlət Gömrük Komitəsinin sədri, gömrük xidməti general-leytenantı Şahin Bağırov Qəbələ rayon Mədəniyyət Mərkəzində Qəbələ, Şəki, Oğuz, İsmayıllı və Ağsu rayonlarından olan vətəndaşları qəbul edib.

"Sizinxeber.az" Komitəyə istinadən xəbər verir ki, qəbul qurumun müvafiq strukturlarının rəhbərlərinin iştirakı ilə keçirilib.

Vətəndaşların müraciətləri əsasən işə qəbul, idxal-ixrac əməliyyatları və digər gömrük məsələləri ilə bağlı olub.

Qəbulda qaldırılan məsələlərin bir qismi yerindəcə həllini tapıb, araşdırılması tələb olunan bəzi müraciətlərlə bağlı müvafiq tədbirlər görülməsi üçün aidiyyəti strukturların rəhbərlərinə tapşırıqlar verilib.