Maliyyə Nazirliyi 2024-cü ilin dövlət və icmal büdcələrinin ilkin göstəricilərinə dair açıqlama yayıb. İlkin proqnozlara əsasən, gələn il dövlət büdcəsinin gəlirləri 33 milyard 765 milyon, xərcləri isə 36 milyard 355 milyon manat olacaq.

Axar.az xəbər verir ki, bu sözləri millət vəkili Vüqar Bayramov qeyd edib.

“Gələn ilin dövlət büdcəsindən sosial müdafiə və sosial təminat üzrə xərclərdə artımın nəzərdə tutulması 2024-cü ildə sosial təminatın daha da güclənəcəyindən xəbər verir. Belə ki, gələn il birbaşa sosial müdafiə və sosial təminat xərcləri 5 faiz artırılaraq 4 milyard 542 milyon manata çatdırılacaq. Qeyd edək ki, bu rəqəm birbaşa sosial xərclərdir. Bütövlükdə sosial istiqamətli xərclər isə 36 milyard 355 milyon manatlıq büdcə xərclərinin 45 faizindən çoxunu təşkil edəcək.

Sosial istiqamətdə daha çox vəsaitlərin nəzərdə tutulması gələn il sosial proqramlara ayrılan vəsaitin artırılacağından xəbər verir. Növbəti yanvardan etibarən bütün növ əmək pensiyaları indeksasiya olunaraq artırılacaq. Digər sosial istiqamətlərdə də təminatın güclənəcəyi gözlənilir”, - Bayramov bildirib.

Qeyd edək ki, V.Bayramov daha öncəki şərhində indeksasiyanın 11 faiz ola biləcəyini vurğulamışdı.

Oxşar xəbərlər

Təhsil xərcləri artırılır [xfgiven_updateblue][/xfgiven_updateblue]

Azərbaycanda sair vergi daxilolmaları üzrə proqnoz 5 % azaldılır [xfgiven_updateblue][/xfgiven_updateblue]

Azərbaycanda sair qeyri-vergi daxilolmaları üzrə proqnoz 1 % azaldılır [xfgiven_updateblue][/xfgiven_updateblue]

Azərbaycanda sosial müavinətlər və təqaüdlərlə bağlı YENİLİK [xfgiven_updateblue][/xfgiven_updateblue]

Baş nazir gələn il Xankəndi, Ağdərə, Xocalı və Xocavənd üçün ayrılan vəsaitin həcmini açıqlayıb [xfgiven_updateblue][/xfgiven_updateblue]