Ukraynanın xarici işlər naziri Andrey Sibiqa NATO-nun Baş katibi Mark Rütte ilə alyansın Brüsseldəki qərargahında görüşüb.

"Report" xəbər verir ki, bu barədə Sibiqa "X"də yazıb.

"Baş katibə döyüş meydanındakı vəziyyət, sülh səyləri və Ukraynanın müdafiə sənayesinin görkəmli nailiyyətləri barədə məlumat verdim. Biz Ukraynanın və Alyansın qarşılıqlı faydası naminə NATO-nun sənaye bazasının dəstəyi ilə Ukraynanın silah istehsalını daha da genişləndirməyin yollarını müzakirə etdik.

Mən NATO-nun PURL təşəbbüsünün və onun çərçivəsində yeni töhfələrin vacibliyini vurğuladım. Biz həmçinin Ankarada keçiriləcək NATO sammitinə hazırlıqları və onun gözlənilən nəticələrini müzakirə etdik", - deyə o əlavə edib.

Sibiqa həmçinin Rütteyə Ukraynaya verdiyi dəstəyə, alyansı və transatlantik birliyi gücləndirmək səylərinə görə minnətdarlığını bildirib.

Oxşar xəbərlər

Sibiqa NATO rəsmisi ilə Ukraynanın hava hücumundan müdafiəsinin gücləndirilməsini müzakirə edib

Andrey Sibiqa Blinkenlə Ukraynanın hava hücumundan müdafiəsini gücləndirməyi müzakirə edib

Rutte: Ukraynanın NATO-ya daxil olması geri dönməz prosesdir

Andrey Sibiqa: Ukraynaya daha 20 ədəd yeni HHM sistemi lazımdır

Sibiqa Blinkenlə Ukraynanın hava hücumundan müdafiəsini gücləndirməyi müzakirə edib