Rusiya qoşunları Ukraynanın Xarkov və Zaporojye vilayətlərindəki qaz obyektlərinə zərbələr endirib.

"Report" xəbər verir ki, bu barədə "Naftoqaz" şirkətinin İdarə Heyətinin sədri Sergey Koretski "Facebook" sosial şəbəkə hesabında bildirib.

"İkinci sutkadır ki, Rusiya qoşunları "Naftoqaz"ın kritik infrastrukturuna hücum edir. Dünən Xarkov vilayətində qaz hasilatı obyekti atəşə tutulub, avadanlıqlar zədələnib. Şirkətin mütəxəssisləri hadisə yerində işləyir, nəticələrin qiymətləndirilməsi davam edir.

Bu gün aviabombanın düşməsindən sonra Zaporojye vilayətində qaz kəməri zədələnib. Abonentlərin bir qismi qaz təchizatından müvəqqəti məhrub olub. Təmir xidmətləri hərbçilərlə fəaliyyətlərini əlaqələndirir və təhlükəsizlik şəraiti imkan verən kimi fəsadların aradan qaldırılmasına başlanılacaq", - o yazıb.

Koretskinin sözlərinə görə, Dnepropetrovsk vilayətinin bu gün atəşə tutulması nəticəsində enerji şirkətinin işçilərindən biri yaralanıb. Ona lazımi tibbi yardım göstərilir.

"2026-cı ilin əvvəlindən mayın 2-dək "Naftoqaz"ın obyektlərinə 99 dəfə hücum olunub", - İdarə Heyətinin sədri bildirib.

Oxşar xəbərlər

Rusiya Xarkov və Xersona hücum edib, ölənlər və yaralananlar var

Rusiya Ukraynaya zərbələr endirib, 2 nəfər ölüb, 18 nəfər yaralanıb

Rusiya Xarkov və Zaporojye vilayətlərinə zərbələr endirib, ölən və yaralananlar var

Ukraynada Xarkov vilayətində hücumlar nəticəsində üç nəfər ölüb, 23 nəfər yaralanıb

Rusiya yenə Dneprə zərbə endirib, 7 nəfər yaralanıb - YENİLƏNİB