Panama kanalı Yaxın Şərqdəki hərbi münaqişə fonunda oradan keçən gəmilərin sayının daha da artacağını gözləyir.

"Report"un "Reuters"ə istinadən verdiyi məlumata görə, bunu Panama Kanalı İdarəsinin maliyyə direktoru Viktor Vial bildirib.

Onun sözlərinə görə, ABŞ ilə İran arasındakı müharibə də daxil olmaqla, regionda gərginləşən vəziyyət artıq dəniz gəmiçiliyi marşrutlarına təsir göstərib. Xüsusilə, mayeləşdirilmiş təbii qaz daşıyan daha çox gəmi kanaldan keçməyə başlayıb:

"Bu tendensiyanın Yaxın Şərqdəki vəziyyət həll olunana qədər davam edəcəyi gözlənilir".

Panama Kanalı İdarəsi cari maliyyə ilinin oktyabr ayından bəri gəmi tranzitlərinin sayının ötən ilin eyni dövrü ilə müqayisədə təxminən 300 dəfə artdığını bildirib. Xatırladaq ki, Panama kanalı Atlantik və Sakit okeanları birləşdirən dünyanın əsas dəniz dəhlizlərindən biridir.

Oxşar xəbərlər

Panama kanalında tıxac yaranıb

ABŞ hərbi gəmilərinin Panama kanalı vasitəsilə sərbəst keçidi ilə bağlı bəyannamə imzalanacaq

Panama Trampın bəyanatları ilə bağlı BMT-yə şikayət verib

Meksika Panama kanalı ilə bağlı mübahisədə Panamanı dəstəkləyib

ABŞ Panama kanalı zonasında qoşunların sayını artırmaq niyyətindədir