ABŞ dəniz blokadasını davam etdirərsə, İran Hörmüz boğazını yenidən bağlaya bilər.

"Sizinxeber.az" xəbər verir ki, bu barədə "Tasnim" agentliyi İran rəhbərliyindəki mənbəyə istinadən məlumat yayıb.

Mənbənin məlumatına görə, boğazla bağlı məsələ bir sıra razılaşmaların icrasından və Livanda atəşkəs rejiminə riayət olunmasından asılıdır. Qeyd olunur ki, dəniz blokadası davam edəcəyi təqdirdə bu, atəşkəsin pozulması kimi qiymətləndiriləcək və bundan sonra boğaz vasitəsilə hərəkət bağlana bilər.

Agentliyin həmsöhbəti vurğulayıb ki, Hörmüz boğazından keçmək üçün müəyyən şərtlər qüvvədə qalır. Belə ki, xarici hərbi gəmilərin, eləcə də "düşmən ölkələr"lə əlaqəli gəmilərin keçidi qadağandır. İrana "düşmən" olan ölkələrdən yüklərin daşınması qadağan edilib.

Boğazdan keçid İran hərbçiləri ilə əlaqələndirilməlidir və yalnız ciddi şəkildə müəyyən edilmiş marşrutlar üzrə mümkündür.

Oxşar xəbərlər

İran Hörmüz boğazından ABŞ və İsraillə əlaqəli gəmilərin keçidini tam qadağan edib

CENTCOM: İranın blokadаsı davam edir

KİV: İran Hörmüz boğazını aprelin 10-a qədər aça bilər

Media: İsrailin Livana zərbələrindən sonra İran Hörmüz boğazını bağlayıb

SEPAH mina təhlükəsinə görə Hörmüz boğazından keçid üçün yeni qaydalar tətbiq edib