Ağdamdan 17 yaşından çıxan sakin 33 ildən sonra doğma yurduna qayıtdığı üçün sevincli idi.

"Sizinxeber.az" xəbər verir ki, bunu Ağdam şəhərinə yola salınan Namiq Cabbarov deyib.

"Ağdamdan çıxanda 17-18 (19 – red.) yaşım var idi, şükürlər olsun ki, 33 ildən sonra gözəl, doğma Ağdamıma qayıdıram", - o bildirib.

Hazırda 52 yaşı olan Namiq Cabbarov Ağdama beş nəfərdən ibarət ailəsi ilə qayıdır.

Şövkət Xəlilova da Ağdama qayıdanlar arasında idi: "Necə sevincliyəmsə, fikrimi dilə gətirə bilmirəm. Xocalı soyqırımının gecəsi idi, iki uşağımın əlindən tutub çıxdım. İndi həmin uşaqlarla - nəvəli, nəticəli gedirəm".

Anar Tahirov isə 1992-ci ildə Xocavəndin Qaradağlı kəndindən məcburi köçkün düşüb. "Oradan çıxanda beş yaşım var idi", - Anar Tahirov deyib və əlavə edib ki, uşaqlıqdan ayrı düşdüyü doğma yurduna qayıtmağı səbrsizliklə gözləyir.

Qeyd edək ki, bu gün Ağdam və Xocavənd şəhərlərinə növbəti köç karvanı yola salınır.

Oxşar xəbərlər

Keçmiş məcburi köçkün: Yuxularımda Ağdama gedirdim, qayıtmaq istəmirdim

Keçmiş məcburi köçkün: 13 yaşımda didərgin düşdüyüm Sarıcalıya beş uşağımla qayıdıram

Cəbrayıl sakini: "Ən böyük arzumuz bu gün çin olur"

Cəbrayıl sakini: Ağrılı-acılı günlər keçmişdə qaldı

Keçmiş məcburi köçkün: "Ən böyük arzumuz bu gün çin olur"