Almaniyanın Münxen şəhərində iş adamı və diaspor fəalı Emin Salimovun təşəbbüsü və Avropa Yanuş Korçak Akademiyasının dəvəti ilə azərbaycanlı rejissor Rüfət Əsədovun “Mənim dostum Meir” sənədli filminin təqdimatı keçirilib.

APA xəbər verir ki, tədbirdə Münxendə yaşayan Azərbaycan və yəhudi diasporlarının fəalları, mədəniyyət xadimləri iştirak ediblər.

Təqdimatdan əvvəl tamaşaçılarla görüşən rejissor R. Əsədov Azərbaycanda dövlət səviyyəsində uğurla həyata keçirilən etnik birgə yaşayışın əhəmiyyətindən danışıb, təqdim olunan filmin ölkəmizdə yaşayan dağ yəhudilərinin doğulub boya-başa çatdığı Azərbaycana sonsuz məhəbbətlərinin, Ana Vətənə bağlılıqlarının tərənnüm olunduğunu vurğulayıb.

O, həmçinin, ekran əsərinin dağ yəhudilərinin Azərbaycanda qorunub saxlanılan adət-ənənələrindən və milli-mənəvi dəyərlərindən bəhs etdiyini bildirib.

Qeyd olunub ki, film Azərbaycan və İsrail kinematoqrafçılarının birgə işidir.

Ekran əsəri tamaşaçılar tərəfindən böyük rəğbətlə və maraqla qarşılanıb.

Oxşar xəbərlər

İsraildə Azərbaycan rejissoru ilə görüş keçirilib, filmləri nümayiş olunub - FOTO

Diaspor fəalları ŞKTC-də Azərbaycanı təmsil edib - VİDEO

Azərbaycan hindistanlı rejissor və prodüserlər üçün "İlin çəkiliş məkanı" seçilib

Orxan Fikrətoğlu: “Nazirlik və ARKA hər zaman Qarabağ müharibəsinə həsr olunan layihələri diqqətdə saxlayır”

7-ci ANİMAFİLM Beynəlxalq Animasiya Festivalı keçirilib