Bu ilin noyabrın 22-də Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) Azərbaycana regionun perspektivi baxımından təcrübələrini ortaya qoymağa və bölüşməyə imkan verəcək.

Bunu “Report”a açıqlamasında BMT-nin Ərzaq və Kənd Təsərrüfatı Təşkilatının (FAO) Azərbaycandakı nümayəndəsi Muhammad Nasar Hayat bildirib.

FAO rəsmisi deyib ki, bu, həm də Azərbaycanı iqlim dəyişikliyinə uyğunlaşma sahəsində qlobal liderə çevirəcək: “Bu, 2024-cü ildə Azərbaycan üçün ən yaxşı hadisələrdən biridir. COP29 çərçivəsində, həmçinin Mərkəzi Asiya üçün İnvestisiya Forumu keçiriləcək".

M. Hayat qeyd edib ki, COP29-da BMT-dən iştirak ən yüksək səviyyədə olacaq: “COP29 Azərbaycan üçün qlobal iqlim dəyişikliyi danışıqlarında və müzakirələrində əhəmiyyətli oyunçu olmaq üçün böyük fürsətdir”.

Oxşar xəbərlər

BMT nümayəndəliyi COP29 çərçivəsində iqlim mütəxəssislərini Azərbaycana dəvət edəcək

COP29 gələn il Azərbaycanda keçiriləcək - RƏSMİ

Muxtar Babayev: "COP29 şəffaflıq və inklüzivliyə həsr olunacaq"

Ekspert: “COP29-un Azərbaycanda keçirilməsi qlobal problemlərin həllində strateji təşəbbüsdür”

Muxtar Babayev: "Münxen konfransında iştirakımız iqlim təşəbbüslərini müzakirə etməyə imkan verir"