Avropa İttifaqının bir hissəsi olan Almaniya yenilənmiş maliyyə sisteminin işə salınması üçün beynəlxalq iqlim maliyyələşdirilməsinə yeni yanaşmanı dəstəkləyir.

“Sizinxeber.az” xəbər verir ki, bunu Almaniyanın xarici işlər naziri Annalena Berbok Bakıda keçirdiyi mətbuat konfransında deyib.

O qeyd edib ki, iqlim maliyyələşdirilməsi böyük sərmayələr tələb edir, söhbət böyük məbləğlərdən gedəndə isə danışıqlar daha çətin və sərt olur.

"Bu faktı nəzərə alaraq bütün detalları diqqətlə öyrənməliyik. Almaniya və Avropa beynəlxalq iqlim maliyyələşməsində etibarlı tərəfdaş olaraq qalır. Lakin qlobal enerji keçidi və adaptasiya tədbirləri üçün xərclər çox böyükdür ki, bu da qlobal səylər və bütün tərəflərin cəlb olunmasını tələb edir", - nazir bildirib.

O vurğulayıb ki, qlobal istixana qazı emissiyalarında ən böyük paya malik olan ölkələr təkcə emissiyaları azaltmamalı, həm də beynəlxalq iqlim maliyyələşdirilməsinə töhfə verməlidir.

Oxşar xəbərlər

Almaniya XİN rəhbəri: Avropa iqlim gündəliyində uğur qazanmaq üçün COP29-da fəal işləyirik

Almaniya XİN-in rəsmisi: Vədlərimizə sadiq qalır və onları yerinə yetirəcəyik

Cennifer Morqan: İqlim maliyyəsi Almaniya üçün prioritetdir

Almaniya XİN rəhbəri: COP29-da danışıqlar heç də asan keçməyib

Almaniya XİN rəhbəri: İqlim maliyyəsi ilə bağlı Aİ ilə Çin arasında danışıqlar aparılır, razılaşmaya az qalıb