"Mən COP29-da iştirak edən ölkələr arasında iqlim maliyyəsi məsələsində razılığa meyllilik hiss etsəm də, fikir ayrılıqları hələ də qalır".

Sizinxeber.az xəbər verir ki, bunu BMT-nin baş katibi Antonio Quterreş COP29 çərçivəsində videoformatda keçirdiyi mətbuat konfransında deyib.

O vurğulayıb ki, COP29 çərçivəsindəki müxtəlif görüşlərdə nümayəndə heyətləri ümumi razılığa gəlmək üçün böyük səylər göstərirlər: "Fikir ayrılıqları mövcud olduğuna görə, yekun nəticəyə gəlmək üçün tərəflərin təkana ehtiyacı var. Hər bir kəs bilməlidir ki, iqlim maliyyəsinin razılaşdırılmasından imtina heç bir halda yaranmış vəziyyətdən çıxış yolu sayıla bilməz. Əksinə, bu məsələ həm qısamüddətli səyləri təhlükə altına ata, həm də iqlim dəyişikliyi ilə mübarizə üzrə yeni milli planların hazırlanmasını ləngidə bilər. Müxtəlif komponentlərdən istifadə etməklə reallaşdırılması nəzərdə tutulan bu məqsədlər inkişaf etməkdə olan ölkələrin maliyyə tələbatlarını nəzərə almaqla müəyyənləşdirilməlid. Əlbəttə ki, maliyyə vəsaiti bütün ölkələrin özlərinin iqlim hədəflərini reallaşdırmasına imkan verəcək səviyyədə müəyyən olunmalı, bütün ölkələrin iqlim dəyişikliyinin zərərli təsirlərindən qorunmasını mümkün etməli, xalqlar arasında etimadı möhkəmləndirməlidir".

Oxşar xəbərlər

Murat Kurum: COP29-u iqlim maliyyəsi məsələsində bir dönüş nöqtəsi olacağına inanırıq

Nazir: İqlim dəyişikliyinin yaratdığı planetar problemlərin qarşısını almaq üçün səylərimizi davam etdirəcəyik

COP29-un baş danışıqçısı: Bütün ölkələr iqlim maliyyəsi məsələsində səylərini birləşdirməlidir

BMT Baş katibi: Bütün ölkələr iqlim dəyişikliyi ilə mübarizədə fəallıq göstərməli olsa da, bu prosesə G20 ölkələri liderlik etməlidir

CAR rəsmisi: COP29 iqlim maliyyəsi və yaşıla keçid gündəmlərini birləşdirmək imkanıdır