Azərbaycan miqrasiya ilə bağlı qlobal müzakirələrin sadiq tərəfdarı kimi, həmçinin iqlim dəyişikliyi kontekstində insan mobilliyi məsələsini özünün COP29 sədrliyi çərçivəsində müzakirələrin mərkəzində saxlayıb.

Sizinxeber.az xəbər verir ki, bunu Dövlət Miqrasiya Xidmətinin rəisi Vüsal Hüseynov “COP29: İqlim dəyişmələri kontekstində insanların yerdəyişməsi üçün inteqrə olunmuş həll yolları üzrə qlobal əməkdaşlığın gücləndirilməsi” panelində çıxışı zamanı deyib.

O bildirib ki, yalnız lazımi diqqəti yetirməklə və sərhədlər arasında əməkdaşlığı genişləndirməklə, iqlimdən qaynaqlanan hərəkətliliyin mürəkkəbliklərini həll edən inteqrasiya olunmuş strategiyaları inkişaf etdirməklə biz insanların hərəkətinin ləyaqətlə, ədalətli və möhkəmliklə idarə olunmasını təmin edən inteqrasiya olunmuş həllər yaradıla bilər: “ Bu baxımdan, mən Özbəkistan hökuməti tərəfindən iqlim dəyişikliyi kontekstində insanların mobilliyi üzrə hazırlanmış və yaxın gələcəkdə qəbul ediləcəyinə ümid etdiyimiz Regional İpək Yolu Bəyannaməsinin layihəsini qeyd etməkdən məmnunam”.

Xidmət rəisi həmçinin əlavə edib ki, Azərbaycan bu sahədə mövcud problemlərin tam həlli üçün bütün tərəflərlə tərəfdaşlığı gücləndirməyə hazırdır: “Bizim müzakirələrimiz davamlı və möhkəm gələcəyə nail olmaq üçün həyata keçirilə bilən, icra edilə bilən tövsiyələrin hazırlanmasına töhfə verəcək”.

Oxşar xəbərlər

Miqrasiya Xidməti COP29-la bağlı görülən işləri açıqlayıb

Elşad İskəndərov: Əsas hədəflərimizdən biri COP və qeyri-COP təşəbbüsləri arasında sinerjinin qurulmasıdır

BMT nümayəndəsi: İqlim dəyişikliyi ilə bağlı problemlər şirkətləri cəlb etmədən həll edilməyəcək

Elmi məsləhətçi: İqlim dəyişikliyi üzrə qlobal mübarizənin həlli COP29-da razılığın əldə edilməsindən asılıdır

Yaxın günlərdə Azərbaycanın iqlim təşəbbüsləri BMT-nin Baş Assambleyasında irəli sürüləcək