Bu gün Bakıda COP29 çərçivısində “Avrasiya Miqrasiya Təşəbbüsləri Platforması”nın təşkilatçılığı ilə Avropada miqrantlara qarşı təzyiqlərə, dözülməz münasibətə etiraz olaraq Azərbaycanın QHT fəalları etiraz aksiyası keçirib.

APA-nın xəbərinə görə, aksiya səssiz olub.

Aksiyada üzərinə "Sərhədlər deyil, iqlim ədaləti!", "Yer yox, sərhəd yoxdur!", "İqlim böhranı heç bir millət tanımır", "İqlim qaçqınları evə layiqdirlər", "İqlim dəyişikliyi ilə mübarizə aparın, immiqrantlar deyil!", "İnsanları qoruyun, planeti qoruyun!", "Miqrasiya insan hüququdur!", "İqlim ədaləti miqrasiya ədalətlidir!" və digər şüarları yazılmış plakatlar qaldırılıb.

"Yeni Həyat - İqtisadi İnkişaf" İctimai Birliyinin sədri Ədil Ədilzadə APA-ya açıqlamasında deyib ki, Avropada miqrantlara qarşı təzyiqlərə son qoyulmalı, insan hüquqları qorunmalıdır.

Ədil Ədilzadə aksiyada məqsədin Avropada hüquqları pozulan miqrantlara diqqət çəkmək olduğunu vurğulayıb.

Oxşar xəbərlər

COP29-da aktivistlər iqlim maliyyəsinin ədalətli formalaşdırılması tələbi ilə aksiya keçirib - FOTO - VİDEO

COP29 çərçivəsində Fransanın müstəmləkəçilik siyasəti əleyhinə aksiya keçirilib

Nazir müavini: COP29-da Azərbaycanın "yaşıl iqtisadiyyat" sahəsindəki təşəbbüsləri təqdim olunacaq

"Beşiktaş" qələbə qazanıb, "Fənərbaxça" xal itirib

İqlim maliyyəsi iqlim dəyişikliyi ilə mübarizədə mühüm rol oynayır