Azərbaycan indiyə qədər keçirilmiş ən böyük COP-lardan birini yüksək səviyyədə təşkil edib.

Bunu "Sizinxeber.az"a açıqlamasında İsrailin Azərbaycandakı səfiri Corc Dik bildirib.

“Azərbaycanı COP29 kimi möhtəşəm tədbirə ev sahibliyi etdiyinə görə təbrik etmək istərdim. Azərbaycan indiyə qədər gördüyümüz ən böyük və ən yaxşı COP-lardan birini mükəmməl şəkildə təşkil edib. COP29-a 50 mindən çox iştirakçı qatılıb ki, bu da onu Tərəflər Konfransının ən geniş miqyaslı tədbirlərindən birinə çevirir. Həmkarlarımdan və nazirlərdən də COP29-un çox uğurlu şəkildə təşkil edildiyini tez-tez eşidirəm. Bu tədbir çərçivəsində müxtəlif ölkələr arasında bir çox mühüm razılaşmalar əldə olunub. Azərbaycanı bu vəzifəni üzərinə götürdüyünə və onu yüksək səviyyədə yerinə yetirdiyinə görə təbrik edirik”, - deyə səfir vurğulayıb.

Diplomat İsrailin iqlim dəyişikliyi məsələsinə son dərəcə ciddi yanaşdığını qeyd edərək bildirib ki, İsrail və Azərbaycan, eləcə də İsrail və beynəlxalq ictimaiyyət arasında əməkdaşlıq və tərəfdaşlıq imkanlarını gücləndirmək məqsədilə bu tədbirdə iştirak edirik: "Biz ideyalarımızı bölüşməyə, qarşılaşdığımız problemləri birlikdə müzakirə etməyə və gələcək nəsillər üçün ən yaxşı həll yollarını tapmağa çalışırıq. Növbəti iki həftə ərzində müxtəlif ölkələr və təşkilatlar arasında əməkdaşlıq və qarşılıqlı əlaqələrin uğurlu olmasını gözləyirəm ki, övladlarımız daha yaxşı, təmiz və yaşıl dünyada yaşasınlar”.

Oxşar xəbərlər

Cahit Bağçı: “COP29 sessiyası Azərbaycan üçün olduqca önəmlidir”

Konqo Prezidenti: COP29 ən yüksək səviyyədə təşkil olunub

Səfir: COP29 Peru üçün də çox əhəmiyyətli tədbirdir

Polşa Prezidenti: COP29-un təşkilinin səviyyəsinə heyran qaldıq

Sadır Japarov: COP29 ən yüksək səviyyədə təşkil olunub