"Hazırda qlobal səviyyədə bərpa olunan enerji potensialının artırılması üzrə təşəbbüsə 55 dövlət rəsmən qoşulub, lakin bu say artırılmalıdır".

APA xəbər verir ki, bu sözləri COP29-un açılış mərasimi zamanı COP28-in Prezidenti Sultan Ahmad Al-Jaber bu statusda sonuncu çıxışında bildirib.

O deyib ki, indiki məqamda ABŞ, BƏƏ, Körfəz ölkələri və digər regionlardan olan şirkətlər karbonsuzlaşdırma təşəbbüsünə qoşulub:

"Mən burada sonuncu çıxışımı edirəm. Bu statusda mən BMT-nin bütün heyətinə təşəkkür edirəm. COP28-dən keçən dövr ərzində sonrakı aylarda həyata keçirdiyimiz tədbirlər göstərdi ki, dünya bərpa olunan enerjinin potensialını artırmağa hazırdır. Hazırda bu təşəbbüsə 55 dövlət rəsmən qoşulub. Bu, real təşəbbüslərə əsaslanıb. ABŞ, BƏƏ, Körfəz ölkələri və digər regionlardan olan şirkətlər karbonsuzlaşdırma təşəbbüsünə qoşulmaqla nümunə göstəriblər. Ayrı-ayrı sahələr bir-birilə əməkdaşlıq şəraitində fəaliyyət göstərərsə, biz iqlim dəyişikliyi ilə mübarizə sahəsində daha geniş və səmərəli nəticələrə nail ola bilərik. Burada ən kritik faktor effektiv maliyyələşmə mexanizmlərinin hazırlanması və həyata keçirilməsidir. Bu sahəyə cəlb olunan investisiyalar nəticəsində İtki və Zərərlərə Cavab Verən Fondun hesabına 853 milyon dollar vəsait cəlb olunub. COP28 zamanı biz bir sıra uğurlu presedentlərin yaradılmasına nail olmuşuq. Orada qəbul olunan yol xəritəsi 1,5 dərəcəlik hədəfə nail olunmasına təkan verəcək. Dubayda əldə etdiyimiz konsensusu tarixi adlandırmaq olar, lakin, biz daha çox iş görməliyik".

Oxşar xəbərlər

Nazir müavini: Azərbaycanın bərpa olunan enerji potensialı üç dəfədən çox artacaq [xfgiven_updateblue][/xfgiven_updateblue]

BƏƏ rəsmisi: COP Sədrlikləri Üçlüyü çalışır ki, COP28-də əldə olunan konsensus icra edilsin [xfgiven_updateblue][/xfgiven_updateblue]

COP28 Enerji keçidinin direktoru: 2030-cu ilə qədər alternativ enerji mənbələri tapmalıyıq [xfgiven_updateblue][/xfgiven_updateblue]

COP28 Prezidenti: Gəlin COP29 zamanı da konsensus əldə edək [xfgiven_updateblue][/xfgiven_updateblue]

Elmar Məmmədov: İqlim Maliyyəsi üzrə Fəaliyyət Fondunun yaradılması nəzərdə tutulub [xfgiven_updateblue][/xfgiven_updateblue]