Azərbaycanın ECO-dakı daimi nümayəndəsi, ölkənin İrandakı səfiri Əli Əlizadə qurumun Baş katibi Əsəd Xanla təşkilatın COP29-dakı gələcək iştirakını müzakirə edib.

“Sizinxeber.az” xəbər verir ki, bu barədə ECO-nun mətbuat xidməti bildirib.

“ECO-nun Baş katibi Dr. Əsəd M. Xan Azərbaycanın ECO-dakı daimi nümayəndəsi səfir Əli Əlizadə ilə görüşüb”, – mətbuat xidməti qeyd edib.

Bakının quruma dəstəyini və ECO gündəliyinin irəliləməsində fəal rolunu qeyd edən Baş katib səfirə Nyu-York, Aşqabad və Daşkənddə üzv dövlətləri nazirləri ilə son iclasları barədə məluma verib.

“Görüşdə həmçinin ECO-nun COP29-da iştirakı, eləcə də COP29 çərçivəsində ECO-nun təşkil edəcəyi tədbirlər, o cümlədən Dairəvi İqtisadiyyat üzrə Nazirlər Görüşü, ECO-nun Ətraf Mühit üzrə Nazirlər Görüşü və ECO Təmiz Enerji Mərkəzinin məhdud təqdimat tədbiri müzakirə olunub”, – təşkilatın yaydığı məlumatda diqqətə çatdırılıb.

Oxşar xəbərlər

Azərbaycanın XİN başçısı İƏT-in Baş katibi ilə ölkəsinin COP29-a sədrliyini müzakirə edib

Azərbaycanın İrandakı səfiri İƏT-nin yeni baş katibi ilə görüşüb

Azərbaycan səfiri Nepalın xarici işlər üzrə katibi ilə iki ölkə arasındakı münasibətləri müzakirə edib

ISESCO Bakıda keçiriləcək COP29-un işində fəal iştirak edəcək

Azərbaycan səfiri Yaponiyanın naziri ilə COP29-u müzakirə edib