"Qazaxıstan Temir Jolu" (KTJ) milli şirkəti cari marketinq ilində (2024-cü ilin sentyabr-oktyabr ayları) 3,7 milyon ton taxıl ixrac edib ki, bu da ötən illə müqayisədə 45 % çoxdur.

Bu barədə “Sizinxeber.az” KTJ-nin mətbuat xidmətinə istinadən xəbər verir.

Şirkətin məlumatına görə, hesabat dövründə taxıl ixracı 2,9 milyon ton təşkil edib, bu isə ötən illə müqayisədə 51 % çoxdur.

"KTJ taxılın Azərbaycan kimi yeni bazarlara maneəsiz çıxışını təmin edir və 2 ay ərzində bu ölkəyə 104 min ton taxıl göndərilib", - məlumatda qeyd olunub.

KTJ-nin məlumatına görə, bu dövrdə əsas ixrac istiqamətləri də müsbət dinamika nümayiş etdirib: Orta Asiya ölkələrinə ixracın həcmi 35 %, Əfqanıstana isə 58 % artıb. İran istiqamətində daşımalar ötənilki 14 min tona qarşı 356 min tona çatıb. Çinə isə 445 min ton taxıl ixrac edilib.

Oxşar xəbərlər

Cəlilabadda taxıl biçini başa çatıb

Rusiyadan Azərbaycana ərzaq məhsullarının ixracı 2030-cu ilədək 1 milyard dollara qədər arta bilər

Orta Dəhlizlə yükdaşımalar 65 % artıb

Azərbaycanın tomat ixracından gəliri 68 %-dən çox artıb

SOCAR ötən il üçün qazma, hasilat, emal və ixrac göstəricilərini açıqlayıb