Azərbaycanın pomidor ixracından qazancı 12 %-dən çox artıb

Bu ilin yanvar-sentyabr aylarında Azərbaycandan 139 milyon 600 min ABŞ dolları dəyərində pomidor ixrac edilib.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin (İİTKM) “İxrac İcmalı”nın oktyabr buraxılışında bildirilir.

Bu, 2023-cü ilin eyni dövrü ilə müqayisədə 12,3 % çoxdur.

Xatırladaq ki, Azərbaycan 2023-cü ildə 162 milyon ABŞ dolları məbləğində pomidor ixrac edib.