Cənubi Koreyanın Azərbaycandakı səfiri Kımqu Kanq Naxçıvana səfər edib.

"Report"un yerli bürosu xəbər verir ki, səfər çərçivəsində səfir Prezidentin Naxçıvan Muxtar Respublikasındakı (MR) səlahiyyətli nümayəndəsi Ceyhun Cəlilovla görüşüb.

Görüşdə Prezident İlham Əliyevin rəhbərliyi ilə Azərbaycanla Cənubi Koreya arasında dostluq və etimada əsaslanan münasibətlərin uğurla inkişaf etdiyi vurğulanıb, ikitərəfli əməkdaşlığın genişləndirilməsinin əhəmiyyəti qeyd olunub.

Müzakirələr zamanı Azərbaycan ilə Ermənistan arasında sülh gündəliyi çərçivəsində əldə olunan razılaşmalardan məmnunluq ifadə edilib.

Naxçıvan Muxtar Respublikasının Orta Dəhliz üzrə kommunikasiyaların qurulmasında mühüm strateji bölgə kimi rolu diqqətə çatdırılıb.

Görüşdə Azərbaycan və Koreya xalqlarının zəngin mədəni irsə malik olduqları vurğulanıb, hər iki ölkənin mədəniyyətinin qarşılıqlı tanıdılması, təbliği və bu sahədə əməkdaşlığın genişləndirilməsi istiqamətində fikir mübadiləsi aparılıb.

Oxşar xəbərlər

Meksika səfiri Naxçıvanda əməkdaşlıq imkanlarını müzakirə edib

Kəmaləddin Heydərov Koreyanın Azərbaycana yeni təyin olunan səfiri ilə görüşüb

Kəmaləddin Heydərov Koreya səfiri ilə görüşüb

Naxçıvan Muxtar Respublikasında Azərbaycan Prezidentinin səlahiyyətli nümayəndəsi Türkiyə səfiri ilə görüşüb

Bayramov koreyalı həmkarı ilə danışdı