Ermənistanın Avropa İttifaqına (Aİ) daxil olması məsələsi hazırda aktual deyil.

“Report” Ermənistan KİV-inə istinadən xəbər verir ki, bunu ölkənin xarici işlər naziri Ararat Mirzoyan rusiyalı həmkarı Sergey Lavrovla birgə mətbuat konfransında bildirib.

"Ermənistan Respublikası Avropa İttifaqına daxil olmaq üçün ərizə verməyib, bu istiqamətdə danışıqlar aparılmır və müvafiq olaraq, bununla bağlı yarana biləcək məsələ aktual deyil", - o qeyd edib.

Xatırladaq ki, Ermənistan parlamentinin deputatları martın 26-da ikinci və son oxunuşda respublikanın Avropa İttifaqına daxil olması prosesinin başlanması haqqında qanun qəbul ediblər.

Baş nazir Nikol Paşinyan qeyd edib ki, bu, İrəvanın İttifaqa qoşulması prosesinin avtomatik olaraq başlanması demək deyil, çünki bu məsələ referenduma çıxarılmalıdır. Öz növbəsində, XİN başçısı Ararat Mirzoyan qanun layihəsinin lazımi sayda imza toplayan ictimai təşəbbüs olduğunu bildirib.

Oxşar xəbərlər

Ermənistanın Aİ-yə daxil olmasının təşəbbüskarları Aİİ-dən çıxmaq istəmədiklərini bəyan ediblər

Ermənistan parlamentində Aİ-yə üzvlük prosesinin başlanması ilə bağlı layihənin müzakirəsi təxirə salınıb

Nazir müavini: Ermənistanın Aİ-yə üzvlüyü prosesinin başlanması haqqında qanun üzvlük üçün müraciət deyil

Peskov: Ermənistanın Aİ və Aİİ-də eyni zamanda üzvlüyü mümkün deyil

Ermənistanda Aİ-yə üzvlüklə bağlı imzatoplama kampaniyası başlayıb