Ermənistan tərəfi baş nazir Nikol Paşinyanın Moskvada Qələbə paradına gedəcəyi təqdirdə onun təhlükəsizliyinin təmin edilməsində problem görmür.

"Report" Rusiya KİV-inə istinadən xəbər verir ki, bunu Ermənistan parlamentinin sədri Alen Simonyan bildirib.

"Əgər baş nazir iştirak etməyə qəti qərar versə, biz təhlükəsizliklə bağlı problem görmürük", - o qeyd edib.

Jurnalistlərin Paşinyanın birdən "xəstələnə" biləcəyi ilə bağlı sualına Simonyan hər şeyin mümkün olduğunu deyib.

A.Simonyan qeyd edib ki, bu cür tədbirlər beynəlxalq əlaqələr və razılaşmalar üçün yaxşı fürsətdir. 

Daha əvvəl N.Paşinyan Rusiya Prezidenti Vladimir Putinlə söhbəti zamanı təntənəli tədbirlərdə iştirakını təsdiqləyib.

Oxşar xəbərlər

Simonyan: Paşinyan mayda Moskvada keçiriləcək paradda iştirak edəcək

Alen Simonyan Rusiyaya səfər edəcək

Simonyan: Ermənistan Aİİ-dən çıxmağa hazırlaşmır

Ermənistan parlamentinin sədri: Hər 3 keçmiş prezidentimiz siyasi meyitlərdir

Alen Simonyan: Sülh sazişi ətrafında proses dayandırılmayıb, müsbət dinamika var