Türkiyə NATO və Avropa İttifaqını (Aİ) daha da gücləndirir.

“Sizinxeber.az” “Haber Global”a istinadən xəbər verir ki, bu barədə ABŞ-nin “The National Interest” nəşri yazıb.

Qeyd olunub ki, Türkiyənin Rusiya- Ukrayna müharibəsindəki mövqeyi mühüm və strateji əhəmiyyətə malikdir: “Türkiyənin nüfuzunun artması həm də Avropa İttifaqı və NATO-nun güclənməsi deməkdir”.

Məqalədə, həmçinin yazılıb ki, hərbi gücü nəzərə alınmaqla Türkiyə Aİ-yə üzv olmalıdır: “Türkiyə regiondakı bütün gərginlik və münaqişələrdə vasitəçi, yaxud ticarət diplomatiyasını təmin edən dərin siyasət nümayiş etdirir. Türkiyə dünyanın ən gərgin nöqtəsi olan Avrasiyanın mərkəzində yerləşən bir ölkə kimi regional şahmat oyununda böyük ustalıq nümayiş etdirir”.

Bildirilib ki, Türkiyə-Rusiya münasibətlərində tarix boyu qarşıdurma və gərginlik müşayiət olunsa da, onlar indi tərəfdaşdırlar:

“Türkiyə indi həm Rusiya, həm də Ukrayna üçün vacib ölkə olmaqla yanaşı, dünya miqyasında müstəqil ölkə kimi mövqeyini qoruyur və NATO-nu gücləndirir. Türkiyə bir tərəfdən Ukraynanı silahlandıran, digər tərəfdən Rusiya ilə ticarət apara bilən vacib ölkəyə, həmçinin “Taxıl sazişi” kimi mühüm raızlaşmaların əldə edilməsinə nail olan aktora çevrilib”.

Məqalədə vurğulanıb ki, Ankara Cənubi Qafqaz və Mərkəzi Asiyada da siyasi və iqtisadi imkanlarını artırır.

Oxşar xəbərlər

Ərdoğan NATO Baş katibi ilə Rusiya-Ukrayna müharibəsindəki son vəziyyəti müzakirə edəcək

KİV: Türkiyə Tramp hakimiyyəti dövründə Rusiya ilə Ukrayna arasında vasitəçi ola bilər

"Haber Global": Türkiyə 2025-ci ildə terrora tamamilə son qoya bilər

Fidan: Türkiyə ilə Aİ arasında əlaqələrin intensivləşməsi ümumi maraqlara cavab verir

Səfir: ABŞ və Türkiyə NATO daxilindəki əməkdaşlığı birlikdə gücləndirib