Nebenzya: Rusiya Ukrayna ilə bağlı ciddi dialoqa hazırdır

Rusiya Ukrayna məsələsinin sülh yolu ilə həlli üzrə ciddi dialoq aparmağa hazırdır, lakin danışıqlar prosesindən Kiyev rejiminin hərbi potensialının gücləndirilməsi üçün istifadə olunmasına imkan verməyəcək.

“Sizinxeber.az” TASS-a istinadən xəbər verir ki, bu barədə Rusiyanın BMT-dəki daimi nümayəndəsi Vasili Nebenzya bildirib.

“Biz müvafiq ciddi və praktiki dialoqa hazırıq, lakin heç kimin bizi aldatmasına və birbaşa və ya dolayısı ilə bu danışıqlar prosesindən Kiyev rejiminin hərbi potensialının gücləndirilməsi üçün istifadə etməsinə imkan verməyəcəyik”, - deyə o, BMT Təhlükəsizlik Şurasının Ukrayna üzrə iclasında söyləyib.