Ermənistanın baş naziri Nikol Paşinyan Avropa İttifaqının (Aİ) Cənubi Qafqaz və Gürcüstandakı böhran üzrə xüsusi nümayəndəsi Maqdalena Qrononu qəbul edib.

“Report” xəbər verir ki, bu barədə Ermənistan KİV-i məlumat yayıb.

Onlar Cənubi Qafqaz regionundakı vəziyyət, xüsusilə də Ermənistan-Azərbaycan sülh prosesi barədə fikir mübadiləsi aparıblar. Hər iki tərəf Ermənistan və Azərbaycan arasında sülh müqaviləsi layihəsinin mətninin razılaşdırılmasının vacibliyini qeyd edib.

M.Qrono sazişin imzalanmasının vacibliyini vurğulayıb. Bunun regionda uzunmüddətli sülh və sabitliyə töhfə verəcəyinə əminliyini ifadə edib.

Tərəflər Ermənistan-Aİ münasibətlərinin gələcək inkişafı və təşkilatın dəstəyi ilə Ermənistanda həyata keçirilən islahatların səmərəli tətbiqinə dair məsələləri müzakirə ediblər.

Oxşar xəbərlər

Ermənistan parlamentinin vitse-spikeri və Aİ rəsmisi Azərbaycanla normallaşma prosesini müzakirə edib

Aİ rəsmisi Ankarada Azərbaycan-Ermənistan münasibətlərinin normallaşmasını müzakirə edib

Paşinyan Aİ-nin baş katibi ilə Azərbaycanla Ermənistan arasında sülh prosesini müzakirə edib

Toyvo Klar Paşinyanın müavini ilə Azərbaycanla sülh prosesini müzakirə edib

Nikol Paşinyan və Frank-Valter Ştaynmayer Azərbaycanla Ermənistan arasında sülh prosesini müzakirə ediblər