Türkiyənin Mərsin şəhərinin Tarsus rayonunda baş vermiş zəncirvari yol-nəqliyyat hadisəsində yaralananların sayı 39-a yüksəlib, 10 nəfər ölüb.

“Report” xəbər verir ki, bu barədə ölkənin daxili işlər naziri Ali Yerlikaya sosial şəbəkədə bildirib.

“Diyarbəkirdən İstanbula gedən sərnişin avtobusu Mərsin şəhərinin Tarsus rayonu, Yenice qovşağı ərazisində magistral yolda 2 minik avtomobili və 1 yük maşını ilə toqquşub. Təəssüf ki, qəzada, ilkin məlumatlara görə, 10 vətəndaşımız həyatını itirib, 39 vətəndaşımız isə yaralanıb”, – DİN başçısı qeyd edib.

Türkiyənin Mərsin şəhərinin Tarsus rayonunun Yenicə qovşağında zəncirvari yol-nəqliyyat hadisəsində 10 nəfər ölüb, 30 nəfər yaralanıb.

“Report” “Anadolu”ya istinadən xəbər verir ki, bu barədə Mərsin valisi Ali Hamza Pehlivan açıqlayıb.

“TAG (Tarsus-Adana-Qaziantep – red.) avtomobil yolunda baş vermiş qəzada, ilkin məlumata görə, 10 nəfər ölüb, 30 nəfər yaralanıb”, – vali agentliyin müxbirinə bildirib.

“Anadolu” qeyd edib ki, olaya səbəb “Star Diyarbakır” şirkətinə məxsus avtobusun qarşı hərəkət zolağına çıxaraq 2 minik avtomobili və 1 yük maşınına çırpılması olub.

Türkiyənin Mərsin şəhərinin Tarsus rayonunun Yenicə qovşağında zəncirvari yol-nəqliyyat hadisəsində azı 11 nəfər ölüb.

“Report” xəbər verir ki, bu barədə İHA məlumat yayıb.

İHA müxbirinin sözlərinə görə, yerli vaxtla saat 19:45 radələrində (Bakı vaxtı ilə 20:45) Osmaniyyədən Mərsinə gedən şəhərlərarası sərnişin avtobusunun sürücüsü Tarsus-Adana arasındakı Yenicə qovşağında idarəetməni itirərək qarşı zolağa keçib. Sərnişin avtobusu yük və minik avtomobillərinə çırpılıb. Qəzadan sonra Mərsin və Adana istiqamətlərində nəqliyyatın hərəkəti dayanıb. Bölgəyə xilasetmə, təcili yardım və polis cəlb edilib.

İlkin məlumata görə, qəza nəticəsində azı 11 nəfər ölüb. Çoxlu sayda insan yaralanıb. Təcili tibbi yardım briqadaları yaralıları ətrafdakı xəstəxanalara çatdırır.

Oxşar xəbərlər

Rusiyada ağır yol-nəqliyyat hadisəsində 4 nəfər ölüb, 16 nəfər yaralanıb

Bakı-Qazax magistralında 10-dan çox maşın toqquşdu: Xəsarət alanların kimlikləri bilindi

Torontoda ağır yol qəzasında 12 nəfər yaralanıb

Türkiyədə zəncirvari qəza: iki ölü, yeddi yaralı var

Pakistanda sərnişin avtobusu qəzaya uğrayıb, 17 nəfər ölüb, 41 nəfər yaralanıb