Belarus hərbi gücdən istifadəni siyasi məqsədlərə çatmağın son həddi hesab edir və başqa ölkəyə qarşı təcavüzü qəbuledilməz sayır.

“Report” xəbər verir ki, bu, milli hüquqi internet portalında dərc edilmiş respublikanın yeni hərbi doktrinasından irəli gəlir.

Sənədə görə, Belarus tərəfi “yalnız hərbi təhlükəsizliyin və müdafiənin təmin edilməsi maraqları naminə siyasi-diplomatik, hüquqi, iqtisadi, informasiya, ideoloji və digər tədbirlərdən istifadə imkanları tükəndikdən sonra” hərbi gücdən istifadə imkanlarını nəzərdən keçirəcək.

Minsk Belarusun iştirakı ilə hərbi münaqişənin qabaqlanması, habelə respublikaya və onun müttəfiqlərinə qarşı təcavüzün dəf edilməsinə yönəlmiş strateji çəkindirmə və ya cavab tədbirləri kompleksinin həyata keçirilməsi üçün bütün mövcud qüvvə və vasitələrdən istifadə edilməsini qanuni hesab edir. Mətndə həmçinin bildirilib ki, Belarus “konstitusiya quruluşunu, ərazi bütövlüyünü və suverenliyini silahlardan istifadə etməklə təhdid edən qanunsuz zorakılıq hərəkətlərindən qorunmaq, eyni zamanda beynəlxalq müqavilələrə uyğun olaraq kollektiv təhlükəsizliyin təmin edilməsi, beynəlxalq sülh və təhlükəsizliyin qorunması vəzifələrini yerinə yetirmək üçün hərbi gücdən istifadə edə bilər”.

Qeyd olunub ki, Belarus fəaliyyəti respublikaya və ya Belarus dövlətinin iştirakı ilə hərbi-siyasi birliyə hərbi təhlükə yaradan dövləti və ya ölkələrin koalisiyasını, həmçinin istənilən qeyri-dövlət subyektini özünə düşmən hesab edəcək.

Oxşar xəbərlər

Belarus müdafiə naziri: Ukrayna sərhədə 100 mindən çox hərbi qulluqçu cəlb edib

Hərbçi qadınların ehtiyatda olma yaş həddi ləğv olundu

Məhərrəm Əliyev Azərbaycanın Belarusdakı səfiri təyin edildi

Latviya komandalarının Rusiya və Belarus milliləri ilə üz-üzə gəlməsi qadağan edilib

Azərbaycanda hərbçilərin pensiyaya çıxmaq yaşı artırılır