Ukraynanın Luqansk vilayətinin işğal altındakı Lisiçansk şəhərində raket zərbəsi nəticəsində 28 nəfər ölüb, 10 nəfər yaralanıb.

“Sizinxeber.az” “RİA Novosti”yə istinadən xəbər verir ki, bu barədə qondarma vilayət rəhbəri açıqlayıb.

Xatırladaq ki, ötən gün işğal altındakı Luqansk vilayətinin qondarma rəhbərliyi nəzarəti altındakı Lisiçanskda çörəkxanaya zərbə endirildiyini açıqlayıb. İşğalçı qüvvələr Ukraynanı ittiham edərək rəsmi Kiyevin HIMARS-dan istifadə etdiyini iddia edib.

Ukrayna ittihamlara cavab verməyib.

Qeyd edək ki, 2022-ci il iyulun 3-də Rusiya Müdafiə Nazirliyi Ukraynanın Lisiçansk şəhərini zəb etdiyini açıqlayıb. Şəhər uğrunda davam etmiş döyüşlər ərzində yaşayış məntəqəsi qismən dağılıb. Savaşdan öncə 100 mindən çox əhalisi olan şəhərdə, Rusiya rəsmilərinin məlumatına görə, cəmi 40 minə yaxın insan qalıb.

Oxşar xəbərlər

Belqorodun atəşə tutulması nəticəsində ölənlərin sayı 14-ə çatıb - YENİLƏNİB-3

Rusiya Ukrayna ərazisinə raket zərbələri endirib, 4 nəfər ölüb, 34-ü yaralanıb - YENİLƏNİB-2

Belqorodun atəşə tutulması nəticəsində ölənlərin sayı 18-ə çatıb - YENİLƏNİB-4

Ukraynanın Belqoroda zərbəsi: 18 ölü, 111 yaralı

Rusiyadan Ukraynaya kütləvi raket hücumu: Ölü və yaralıların sayı artdı - VİDEO