“Ukrayna münaqişəsinin ədalətli həllinə Ukraynanın ərazi bütövlüyünün qorunması şərti ilə nail olunmalıdır”.

“Sizinxeber.az” xəbər verir ki, bunu Türkiyənin xarici işlər naziri Hakan Fidan deyib.

“Bizim hər iki tərəflə xüsusi münasibətimiz var. Biz onları dinləməkdən imtina etmirik. Dost ancaq həqiqəti deyir, biz belə edirik. Müharibənin ədalətli həlli Ukraynanın ərazi bütövlüyü çərçivəsində tapılmalıdır”, - deyə o qeyd edib.

Nazirin sözlərinə görə, hər iki tərəfin yorğunluğu 2025-ci ildə yeni vəziyyətə gətirib çıxara bilər.

“Hər iki tərəf münaqişədə uduzan tərəf hesab edilmək istəmir; Rusiya və Ukrayna arasında ümumi dil axtarışları davam edir”.

Oxşar xəbərlər

Hakan Fidan: Türkiyə Krımı Ukrayna ərazisi kimi tanıyır

Hakan Fidan Ukrayna XİN-in yeni başçısı ilə regiondakı vəziyyəti müzakirə edib