Özbəkistan Prezidenti Şavkat Mirziyoyev Türkiyənin xarici işlər naziri Hakan Fidan, daxili işlər naziri Ali Yerlikaya və Milli Kəşfiyyat Təşkilatının rəhbəri İbrahim Kalından ibarət nümayəndə heyətini qəbul edib.

“Report” xəbər verir ki, bu barədə H.Fidanın “X” sosial şəbəkəsindəki hesabında məlumat verilib.

Məlumata görə, görüşdə regional təhlükəsizlik məsələləri əsas müzakirə mövzusu olub.

“Daha əvvəl Türkiyə və Özbəkistan arasında nazirlər səviyyəsində imzalanmış yol xəritəsi strateji əməkdaşlığın institusionallaşdırılması istiqamətində mühüm addımdır”, - məlumatda bildirilib.

Qeyd edək ki, Türkiyə nümayəndə heyəti sentyabrın 12-də Daşkəndə rəsmi səfər edib.

Oxşar xəbərlər

Türkiyə və Özbəkistan XİN başçıları regional məsələləri müzakirə ediblər

Türkiyənin iki naziri MİT rəhbəri ilə birgə Özbəkistana gedir

Türkiyə ilə Özbəkistan arasında əməkdaşlıqla bağlı yol xəritəsi imzalanıb

Hakan Fidan türkmənistanlı həmkarı ilə regional məsələləri müzakirə edəcək

Hakan Fidan Aİ-nin ali nümayəndəsi ilə görüşüb