Pakistanın 46 yaşlı vətəndaşı ABŞ məmurlarını qətlə yetirmək məqsədi ilə İran hakimiyyəti ilə əməkdaşlıq etməkdə ittiham olunur.

“Sizinxeber.az” xarici KİV-ə istinadən xəbər verir ki, ABŞ Ədliyyə Nazirliyi bu barədə ittiham irəli sürüb.

Məlumata görə, Asif Merçant adlı Pakistan vətəndaşı ABŞ-nin dövlət məmurlarını qətlə yetirmək və başqa planlarda iştirak edib.

O, izahatında bildirib ki, Donald Trampın ABŞ-yə prezidentliyi dövründə İran İnqilab Keşikçiləri Qvardiyası “Qüds” qoşununun komandanı öldürülüb. Pakistanlı bildirib ki, onun qisasını almaq üçün Trampı öldürmək istəyib.

ABŞ Prokurorluğunun məlumatına əsasən, Asif Merçant Pakistandan ABŞ-yə getməzdən qabaq bir müddət İranda yaşayıb.

Qeyd edək ki, bir müddət əvvəl ABŞ-nin keçmiş dövlət katibi Mayk Pompeo və milli təhlükəsizlik məsələləri üzrə keçmiş müşavir Con Boltonun qətlə yetirilməsi niyyəti ilə bağlı xəbərlər yayılmışdı.

Oxşar xəbərlər

İranda həbsxanada saxlanılan güneyli alim: Məni edam riski ilə zindanda tək buraxmısınız

İmran Xan zaminə buraxıldı

Xamənei: Haniyənin qisasını almaq İranın borcudur

BMT-nin Baş katibi İran və Pakistana çağırış edib

ABŞ-nin eks-səfiri Kubaya casusluq ittihamı ilə 15 il müddətinə azadlıqdan məhrum edilib