Hakim "Gürcü Arzusu" partiyası Konstitusiya Məhkəməsinə 3 partiyanın bağlanması ilə bağlı müraciət edəcək.

"Report"un yerli bürosunun məlumatına görə, bundan əvvəl hakim partiya "Vahid Milli Hərəkat", "Dəyişiklik Koalisiyası və Lelo" partiyalarının bağlanması ilə bağlı müraciət etmişdisə, indi bu siyahıya "Federalistlər" partiyası da daxil ediləcək.

"Gürcü Arzusu" partiyası əvvəlki müraciəti yeniləyərək bir daha Konstitusiya Məhkəməsinə müraciət edəcək.

Gürcüstan Parlamentinin sədri Şalva Papuaşvili bildirib ki, bir sıra siyasi qüvvələr ümumi strateji məqsədlər ətrafında birləşib və onların fəaliyyətində konstitusiyaya zidd məqamlar mövcuddur. O bildirib ki, məhkəməyə müraciət zamanı partiyaların məqsədləri ilə yanaşı, onların siyasi təsir imkanları da nəzərə alınır.

Papuaşvili həmçinin qeyd edib ki, sözügedən siyasi alyansın liderləri sırasında Mixail Saakaşvili, Qiqa Bokeriya və Nika Qvaramiya yer alır.

Oxşar xəbərlər

Gürcüstanda prezidentin impiçment proseduru bərpa ediləcək

Gürcüstan Prezidenti seçkilərlə bağlı Konstitusiya Məhkəməsinə müraciət edəcək

Şalva Papuaşvili: Gürcüstan Prezidenti xoş niyyət nümayiş etdirib istefa verməlidir

Gürcüstanda Saakaşvilinin partiyası seçkilərdə iştirak edə bilməyəcək

İrakli Kobaxidzenin Gürcüstanın Baş nazir vəzifəsinə namizədliyi parlamentə təqdim edilib